فاطمة مرنيسي

فاطمة مرنيسي
معلومات عامة
زيادة	27 شتنبر 1940 فاس
لموت	30 نونبر 2015 (75 عام) الرباط
لجنسية	لمغريب
لحرفة	كاتيبة، كاتبة مقالات، صوسيولوڭ، ؤستادة جاميعية، كاتب لاتعاويدي، ناشطة حقوق المرأة و نسوية
لّوغات لي كيعرف	لفرانساوية، عربية، نڭليزية و الداريجة لمغريبية
معلومات خرى
دين	إسلام
لجاميعة لأم	السوربون، جامعة برانديز
لجوايز	(2004)  جائزة إيراسموس (2003)  جائزة أميرة أشتوريس الأدبية

فاطمة مرنيسي (تزادت ف 27 شتنبر 1940 - ماتت ف 30 نونبر 2015) هي كاتبة وفيمينيست وسوسيولوجيست مغريبية.

حياتها

لمرنيسي ف واحد لحفلة عام 2004

تزادت فاطمة مرنيسي ف فاس ب تاريخ 27 شتنبر 1940. كبرات هي وشي خدامات وشي دريات كايجيوها ف لحريم ديال جداها لي لباس عليها. قرات لإبتدائي ف واحد لمدراسة دارتها لحركة لقومية، والتانوي ف مدرسة غير ديال لبنات تابعة للمستعمر لفرانساوي. ف 1957، قرات لعلوم السياسة ف لافاك ديال السوربون وبرانديز، وتما فين شدات الدكتورة ديالها. فاش رجعات ل لمغريب خدمات استادة لافاك د لأداب د جاميعة محمد لخاميس، ب الضبط ف لفترة بين 1974 و 1981. وقرات مواد مختالفة بحال لميطودولوجي، السوسيولوجي والسايكولوجي. لمرنيسي معروفة ب لمقاربة السوسيوسياسية فاش كتبغي تدرس لجندر ولهوية لجنسانية، وتركيزها كيكون ب لمجمل على لمغريب. لحاجة لي خلاتها تعرف برا لبلاد هي كونها فيمينيست مسلمة.

كانت لمرنيسي محاضرة ف لافاك ديال محمد لخامس فا لرباط وباحتة ف لمعهد لجامعي ديال لبحت لعلمي لي كاين ف الرباط نيت. مورا النݣاب هي دراسة كانت دارتها عام 1975 باش تشد الدكتورة ديالها، ولكن من بعد تحولا لكتاب لي تنشر ف بريطانيا ف عام 1985 وف لميريكان عام 1987. لمرنيسي هي من اهم لفيمينيست لمغريبيات لي خلاو لبصمة ديالهم حيت نجحات كاستادة، كاتبة، وسوسيولوجيست.

ف 30 نونبر 2015 توفات لمرنيسي وخلات وراها بزاف ديال لأعمال.

ف 2022، خرج فيلم عليها سميتو "فاطمة السلطانة التي لا تنسى" دار لإخراج ديالو محمد عبدرحمان تازي، ؤ لعبات دور ديالها مريم زعيمي.

عيون لكلام

تقدر تزيد شوف بزاف د تّصاور و لمعلومات ديال Fatima Mernissi ف ويكيميديا كومنز.

هادي زريعة ديال مقالة علا موضوع عندو علاقة ب شخصيات د لمغريب خاصها تّوسع. تقدر تشارك ف لكتبة ديالها.